Fi tmiem summit tal-Mexxejja Ewropej u Afrikani li saret fil-Kosta tal-Ivorju, il-Prim Ministru Joseph Muscat qal li din kienet laqgħa ferm importanti bħal kontinwazzjoni għall-Valletta Summit.
Hekk kif l-immigrazzjoni kienet waħda mit-temi li ġew diskussi fis-summit.
Muscat qal li d-diskussjoni m’għadhiex issir fuq paġna vojta bħal qabel imma fuq qafas ta’ pjan li l-Unjoni Ewropea kienet bdiet f’Malta.
Wara l-Valletta Summit, kull pajjiż Ewropew inkluż Malta, qed jikkontribwixxi fl-immigrazzjoni.
Il-Prim Ministru qal li permezz ta’ dan il-qafas, qed jiġi diskuss il-ħolqien tal-opportunitajiet ta’ xogħol fl-Afrika u li jsiru proġetti ġodda.
Spjega li dan kien il-qofos tas-summit li dak li beda minn Malta jibda’ jasal il-frott tiegħu permezz tal-pjan il-ġdid fil-Kosta tal-Ivorju.
