Il-membri tal-cabin crew tal-Air Malta japprovaw kundizzjonijiet ġodda

Maġġoranza qawwija ta' ħaddiema japprovaw il-kundizzjonijiet il-ġodda, li jinkludu żidiet fil-paga u tibdiliet fil-kundizzjonijiet

30 ta' Novembru 2017 20:48
minn Albert Gauci Cunningham

Il-membri tal-Cabin Crew tal-Air Malta japprovaw kundizzjonijiet ġodda...

Il-membri tal-Cabin Crew tal-linja nazzjonali tal-ajru Air Malta ilejla approvaw il-miżuri u l-pakkett li kien innegozjat bejn il-Gvern u l-unjin li tirrapreżentahom. Dan huwa għalhekk it-tieni pakkett finanzjarju u ta' kundizzjonijiet tax-xogħol ġodda li kien approvat, wara li kien approvat dak tal-inġiniera tal-Air Malta.

Il-ħaddiema approvaw dan il-ftehim b'168 vot favur u 68 vot kontra.

Il-ftehim kollettiv jinkludi żieda fil-paga, imma wkoll kundizzjonijiet tax-xogħol aktar 'impejattivi'.