Il-Konfederazzjoni Maltija tal-Organizzazzjonijiet tan-Nisa (MCWO) qed tappella lill-Ombudsman sabiex ineħħi lil Charles Caruana Carabez mill-pożizzjoni ta’ Kummissarju għall-Edukazzjoni.
L-MCWO, li hija magħmula minn 12-il organizzazzjoni, qed tagħmel din it-talba wara opinjoni li Caruana Carabez kiteb fil-gazzetta Times of Malta fil-5 ta’ Jannar li għadda.
Il-Konfederazzjoni qed issostni li dan l-artiklu juri li l-Kummissarju għall-Edukazzjoni huwa preġudikat kontra n-nisa u li ma jikkunsidrax lin-nisa daqs l-irġiel.
L-MCWO fi stqarrija tenfasizza li l-irwol tal-Kummissarju għall-Edukazzjoni fl-uffiċċju tal-Ombudsman għandu jkun jwassal ir-rispett u l-imparzjalità bejn l-irġiel u n-nisa.
L-istqarrija tkompli l-pożizzjoni ta’ Caruana Carabez m’għadhiex tenibbli, għaliex fi kliem il-Konfederazzjoni ma jistax jaqdi dan id-dmir.
Charles Caruana Carabez kien inħatar Kummissarju għall-Edukazzjoni mill-Ombudsman fl-1 ta’ Settembru li għadda.
