Ix-xogħlijiet tar-restawr fuq il-faċċata tal-Kon-Katidral ta’ San Ġwann tlestew. Dan il-proġett inkluda d-daħla prinċipali, il-ġnub, il-kampnari, l-arloġġ u d-dewwiema.
Din hi l-ewwel darba li l-faċċata tal-Kon-Katidral għaddiet minn restawr b’reqqa bħal din.
Dan kollu jkopri aktar minn 2,000 metru kwadru.
Il-proġett beda fl-2014 mill-Ministeru għall-Kultura u mill-Fondazzjoni tal-Kon-Katidral ta’ San Ġwann permezz tal-ħaddiema mid-Direttorat tar-Restawr.
Il-Ministru Owen Bonnici, is-Segretarju Parlamentari Deo Debattista, l-President tal-Fondazzjoni tal-Kon-Katidral ta’ San Ġwann Wilfred Buttigieg, is-Segretarju Amministrattiv ta’ The Church in Malta Michael Pace Ross u l-Kuratur tal-Kon-Katidral Cynthia Degiorgio żaru u nedew ir-restawr finali.
L-investiment totali kien ta’ €660,000.
