jobsinmalta.com iħabbru t-tnehdija tal-applikazzjoni tal-mobile, disponibbli fuq Android. Din l-applikazzjoni toffri faċilità ta’ użu lil min ikun qed ifittex impjieg u toffri informazzjoni kontinwa u immedjata dwar opportunitajiet ta’ xogħol.
Utenti ta’ din l-applikazzjoni jistgħu joħolqu profil u jirċievu notifiki fuq it-telefon ċellulari b’xogħlijiet ġodda li jaqblu mal-preferenzi tagħhom. L-utenti jistgħu ukoll jaraw lista ta’ dak li jkunu fittxew fil-passat, jimmarkaw xogħlijiet biex japplikaw iktar ‘il quddiem, u saħansitra jibgħatu xogħol partikolari lill-ħbieb jew qraba li jistgħu jkunu interessati. Dan kollu jista’ jsir mill-kumdità tat-telefon ċellulari tagħhom.
“Ninsab kburija li jobsinmalta.com huwa l-ewwel portal tal-impjiegi f’Malta li niehda Applikazzjoni tal-mobile. Dan jagħti il-flessibilità lill-kandidati li jfittxu xogħlijiet minn fuq it-telefon ċellulari tagħhom waqt li jkunu għaddejjin b’ħajjithom”, qalet Natasha Incorvaja, Clients Relations Manager fi ħdan jobsinmalta.com.
L-applikazzjoni ta’ jobsinmalta.com tista’ titniżżel minn Google Play Store, u kull min iniżżel din l-App jidħol biċ-ċans li jirbaħ €200 (termini japplikaw). Jobsinmalta.com huwa portal tal-impjiegi integrat għal kull tip ta’ xogħol vakanti f’Malta u Għawdex. Jekk qed tfittex bidla fil-karriera jew xogħol temporanju f’Malta, issieħeb illum biex iżżomm ruħek aġġornat mal-aħħar xogħlijiet fis-suq.
