Filmat | Jinqabad fil-fatt jisgassa bieb ta' ħanut fil-Fgura ... residenti jilmentaw

Wara dik li dehret bħala 'katina' ta' serq f'Birżebbuġa, li l-gazzetta ILLUM ilbieraħ kompliet tirrapporta dwarha, jidher li numru ta' ħallelin tefgħu għajnejhom fuq il-Fgura. Filmat li qed idur fuq il-midja soċjali juri lil ħalliel jisgassa bieb, f'dak li residenti qalu lil dan is-sit illi huwa ħanut tal-ħwejjeġ. 

Din is-serqa hija r-raba' waħda fl-aħħar tliet ġimgħat, irrimarka resident partikolari

Minn naħa tagħha Graziella Galdes, resident tal-Fgura u sidt il-ħanut li ġie misruq, qalet illi din hija parti minn mewġa ta' serq f'Raħal Ġdid u l-Fgura. "Aħna n-negozji u r-residenti qed ngħixu fil-biża' u għandna bżonn aktar protezzjoni mill-Gvern u l-Awtoritajiet Lokali."