Żewġ suldati arrestati fuq il-qtil ta' immigrant Afrikan ... mistennija jitressqu l-Qorti
Jidher issa, iktar minn qatt qabel, li dan kien qtil immotivat minn mibgħeda razzjali, l-ewwel tat-tip tiegħu f'pajjiżna f' dawn l-aħħar snin
minn Albert Gauci Cunningham
Il-pajjiż għandu fuq idejh l-ewwel qtil razzista fl-aħħar snin u dan hekk kif suldat tal-Forzi Armati kien arrestat fl-aħħar sigħat u akkużat bil-qtil tal-immigrant Lassana Cisse Souleyman, f'Ħal Far nhar is-6 ta' April li għadda. L-ewwel suspettat ammetta ili kien parti mill-grupp ta' nies illi qatlu lil dan ir-raġel kiesaħ u biered, għalkemm sostna mal-Pulizija li ma kienx hu li sparalu.
Jidher illi t-tfittxija biex tkun arrestata t-tieni persuna kienet suċċess. It-tieni akkużat huwa suldat tal-Forzi Armati wkoll.
Jidher illi ma kien hemmx rabta bejn dawn l-akkużati u l-immigranti u allura kollox qed jindika li dan ir-raġel inqatel sempliċiment għaliex kien ta' karnaġġjon skur.
3/3 Words of hatred and division have no place in our society. It is a strong signal to all those who spread hate speech.There are consequences to spreading such ill placed sentiments. We remain steadfast in our call for unity among the Maltese and all those who live in Malta -JM
— Joseph Muscat (@JosephMuscat_JM) 18 May 2019
Lassana kien miexi f'Birżebbuġa ma' żewġt irġiel oħra fi Triq tal-Ġebel fil-11:00 p.m dakinhar tal-qtil, meta nstemgħu tiri minn karozza, issuspettata li hi Toyota Starlet
Il-vittmi l-oħrajn huma raġel mill-Guinea u raġel ieħor ta' 28 sena mill-Gambja u dawn sofrew minn ġrieħi u nstabu ftit biss 'il bogħod minn Lassana.
Triq il-Ġebel hija trejqa li minn Birżebbuġa twassal għal Triq iż-Żurrieq, fl-istess lokalità u hija użata wkoll minn residenti taċ-ċentru miftuħ ta' Ħal Far, fejn kienu jgħixu dawn it-tlieta.
PN fully condemns hate crime, racially motivated violence and racial discrimination in all its forms. We demand an urgent, independent, transparent and thorough investigation. 1/2
— Adrian Delia (@adriandeliapn) 18 May 2019
2/2 This is not the Malta we want. Much work is to be done to make Malta a truly safe place. Well done to the @MaltaPolice force for their sterling work.
— Adrian Delia (@adriandeliapn) 18 May 2019
Wieħed minn dawk li baqgħu ħajjin sostna, f'intervista mal-ġurnal The Times, illi jiftakar kif il-bullet daħal minn ġenbejn u ħareġ minn oħra, qabel waqa' u ntilef minn sensieh.
Iż-żewġ vittmi li baqgħu ħajjin kienu ġew mill-Italja u ma setgħux imorru lura f'impjieg fl-Italja stess biex iġeddu d-dokumenti tagħhom.
