Matul l-2019 Malta tat il-protezzjoni lil 435 persuna

Matul is-sena li għaddiet, Malta tat il-protezzjoni lil 435 persuna li talbu li jingħataw l-Ażil f’Malta.

Skont statistika ppubblikata mill-Eurostat, minn dawn, Malta tat l-istatus ta’ refuġjat lil 55 persuna, protezzjoni sussidjarja lil 360 persuna u 15-il persuna oħra ngħataw il-protezzjoni għal raġunijijet umanitarji.

Dawn l-435 persuna baqgħu jgħixu Malta.

Il-maġġoranza tal-persuni li ngħataw il-protezzjoni mill-Istat Malti kienu Sirjani, Libjani u Eritreani rispettivament.

Intant, fost is-27 stat membru tal-Unjoni Ewropea (s-sena li għaddiet), 295,000 persuna ngħataw l-ażil. Is-sena ta’ qabel, l-Unjoni Ewropea tat il-protezzjoni lil 316,200 persuna.