15-il persuna mmultati wara li nqabdu f'ġemgħat t’aktar minn erba' persuni

Fl-aħħar 24 siegħa, hekk kif komplew ir-rondi mill-Pulizija u l-Environmental Health Officers, 15-il persuna ngħataw multa ta’ €100 kull wieħed.

Skont l-Avviż Legali tal-Gvern, ma jistax ikun hemm ġemgħat t’aktar minn 4 persuni f’postijiet pubbliċi

Intant, ħadd ma nstab jikser il-kwarantina obbligatorja fit-310 spezzjonijiet li saru fl-aħħar 24 siegħa

L-appell jibqa’ dak li kulħadd ikun responsabbli u jikkopera mad-direttivi li qed jingħataw mill-awtoritajiet.