Każ wieħed ġdid ta' COVID-19; L-inqas ammont fl-aħħar ġimgħatejn

Fl-aħħar 24 siegħa saru 1,560 test u minnhom każ wieħed biss irriżulta fil-pożittiv.

Apparti minn hekk pazjent ieħor kien iddikjarat imfejjaq biex hekk l-għadd tal-każi attivi baqa' ta' 125 każ.

Minn meta feġġ l-ewwel każ f'Malta, kien hawn 600 każ ta' COVID-19.

Waqt il-bulletin mediku tal-lum, is-Supretendent tas-Saħħa Pubblika tat id-dettalji tal-każi li ġew ikkonfermati fl-aħħar jumejn, jiġifieri l-15 tal-bieraħ u l-wieħed tal-lum.

Fost il-pazjenti l-ġodda tal-aħħar jumejn kien hemm tliet carers li jaħdmu f'Karin Grech u anke anzjan li kien rikoverat fl-istess sptar.

Kien hemm ukoll carer li jaħdem f'dar tal-anzjani.

Bħalma rriżulta fl-aħħar ġimgħat, diversi pazjenti ma kellhom l-ebda sintomi.

Ħames każijiet bis-sintomi

Anzjana ta' 85 sena. Din tbati b'kundizzjonijiet mediċi iżda tinsab f'qagħda stabbli
Anzjana ta' 70 sena. Din il-persuna taħdem mid-dar
Mara ta' 65 sena. Kellha diversi sintomi
Tfajla ta' 27 sena. Maltija li tgħix Għawdex. Kellha biss uġigħ ta' ras
Żagħżugħ ta' 23 sena. Kellu diversi sintomi. Jaħdem Għawdex u qed isir kuntatt mal-kollegi

Seba' każijiet li kellhom kuntatt ma' pazjenti oħra

Żewġt irġiel ta' 59 u 38 sena. Ma kellhom l-ebda sintomi.
Malti ta' 45 sena. Jaħdem Mater Dei iżda mhux ħaddiem tas-saħħa. Ma kellu l-ebda sintomi
Anzjan ta' 72 sena. Kellu d-deni. Dan kien rikoverat fis-sala f'Karin Grech fejn ħarġu diversi każi
Anzjana ta' 69 sena. Kienet fi kwarantina u ma kellha l-ebda sintomi
Filippin ta' 33 sena. Ma kellu l-ebda sintomi. Jaħdem bħala carer f'dar tal-anzjani u kellu kuntatt ma' carer pożittiv
Indjana ta' 32 sena. Hija ħaddiema tas-saħħa f'Karin Grech. Kienet fi kwarantina

Erba' każi bla sintomi

Anzjana ta' 71 sena. Kien imissa appuntament f'Mater Dei u sarilha t-test u ħarġet pożittiva
Malti ta' 56 sena. Kellu bżonn trattament u sarlu t-test u ħareġ pożittiv.
Franċiż ta' 59 sena. Kellu bżonn jidħol l-emerġenza. Sarlu t-test u ħareġ pożittiv. Għandu ħanut.
Filippina ta' 55 sena. Hija ħaddiema tas-saħħa f'Karin Grech iżda mhux fl-istess sala fejn fl-aħħar jiem ħarġu diversi każi.

Pazjenti fl-isptarijiet