Il-quddies fi knejjes miftuħa se jerġa' jibda min-nofs Ġunju

Id-Deputat Prim Ministru u Ministru għas-Saħħa Chris Fearne ħabbar li fl-aħħar jiem reġa' kien hemm laqgħat mal-isqfijiet tal-pajjiż u min-nofs f'Ġunju se jkun jista' jerġa' jibda jsir il-quddies fil-knejjes.

Fearne saħaq li naturalment se jkun hemm fis-seħħ diversi kundizzjonijiet li jridu jiġu segwiti, l-istess bħal kwalunkwe post ieħor.

Il-Ministru qal li fil-jiem li ġejjin il-Kurja tal-Arċisqof se tkun qed tħabbar id-dettalji.

Anke jekk il-knejjes se jiftħu, dan ma jfissirx li jistgħu jsiru l-festi. Is-Supretendent tas-Saħħa Pubblika, Charmaine Gauci kienet ċara fi kliemha li għalissa attivitajiet tal-massa ma jistgħux isiru.

Għalhekk hu mifhum li d-direttiva tibqa' dik li l-festa ssir fil-jum liturġiku u mingħajr l-ebda attività esterna.