Il-PN jipproponi li triq f'Balzunetta fil-Furjana tissemma għal Oliver Friggieri

Iż-żewġ Kunsilliera Nazzjonalisti tal-lokalità jipproponu wkoll li titwaħħal irħama mal-post fejn twieled u trabba Friggieri

26 ta' Novembru 2020 11:11
minn Albert Gauci Cunningham

Il-Partit Nazzjonalista permezz tal-Kunsillieri tiegħu fil-Floriana, James Aaron Ellul u Justine Palmier, is-Sibt li għadda malli tħabbret il-mewt tal-Professur Oliver Friggieri ressaq mozzjoni biex fil-laqgħa li jmiss tal-Kunsill Lokali tal-Floriana tiskatta l-ħidma biex triq f'Balzunetta tkun imsemmija għall-Prof. Oliver Friggieri.

Il-mozzjoni kienet tinkludi wkoll proposta li mal-post/binja fejn għex u trabba titwaħħal irħama.

Il-Kunsillieri tal-PN fil-Floriana jittamaw li għal din il-mozzjoni jsibu l-appoġġ tal-Kunsill Lokali kollu.