F'ħames snin id-Dwana Maltija tinterċetta 17,500 kilogramma droga

F’ħames snin, bejn l-2015 u l-2020, id-Dwana Maltija rnexxielha tinterċetta 17,500 kilogramma ta’ droga li l-valur tagħhom jaqbeż il-€110 miljun.

B’kollox, id-Dwana interċettat:

• 16,385 kilogramma kannabis
• 1,142 kilogramma kokaina
• 5.4 kilogramma khay
• 2.6 kilogramma ta’ droga sintetika
• 2.4 kilogramma eroina
• 404 pillola ecstasy.

Matul l-2018 biss, madwar 1.3 miljun sejba ġew irrapportati fl-Ewropa, bil-kannabis tkun l-aktar droga komuni li nstabet matul fik is-sena. Fil-fatt, fl-2018, inqabdu 668 tunellata ta’ kannabis.

Il-kwantità ta’ kokaina li ġiet maqbuda fl-Unjoni Ewropea wkoll laħqet l-ogħla livelli tagħha fl-2018 hekk kif instabu xejn inqas minn 181 tunellata. 

Figuri li ġew ippreżentati fil-Parlament juru kif matul is-snin tressqu l-Qorti għadd ta’ persuni akkużati bi traffikar:

• 118 fl-2015
• 108 fl-2016
• 60 fl-2017
• 107 fl-2018
• 164 fl-2019
• 65 fl-2021

Oħrajn tressqu l-Qorti akkużati b’pussess:

• 408 fl-2015
• 659 fl-2016
• 634 fl-2017
• 506 fl-2018
• 387 fl-2019
• 117 fl-2020

Aqra aktar fid-dettall dwar il-ħidma li twettaq id-Dwana u kif topera f'dawn il-każi.