Ian Castaldi Paris jitneħħa mill-Kumitat Permanenti dwar il-Kontijiet Pubbliċi

Id-Deputat Laburista Ian Castaldi Paris tneħħa mill-Kumitat tal-Kontijiet Pubbliċi, u postu ħadu Jonathan Attard. Din is-sostituzzjoni tħabbret f'mozzjoni mressqa fil-Parlament minn Chris Fearne bħala Mexxej tal-Kamra mingħajr ma ngħatat raġuni.

Castaldi Paris kien sab ruħu f'kontroversja wara li ġie żvelat kif hu ftaħar ma' Yorgen Fenech li xtara proprjetà f'Londra li skont hu kienet tiswa' £16-il miljun (€18.7m). Minkejja dan, il-ġimgħa l-oħra hu stqarr mall-ġurnal MaltaToday illi hu kien biss qed jesaġera biex jintgħoġob ma' Fenech.