L-ITU jibqa' bla pazjenti bil-Covid-19; Il-każi attivi jerġgħu jonqsu

Fit-Taqsima tal-Kura Intensiva tal-Isptar Mater Dei ma hemm l-ebda persuna pożittiva għall-Covid-19. Fil-fatt, l-ITU ilu nieqes mill-pazjenti bil-Covid-19 għal dawn l-aħħar sitt ijiem.

Intant, il-każi attivi komplew jonqsu hekk kif fiequ 43 pazjent u fl-aħħar 24 siegħa nstabu 18-il każ ġdid.

Fil-fatt, f'Malta hawn 267 persuna pożittiva għall-Covid-19.

18,786 persuna diġà ħadu l-booster tat-tilqima.

Bħalissa d-doża addizzjonali qed tingħata lill-anzjani kollha li għandhom 'il fuq minn 70 sena, anke dawk li jgħixu fil-komunità. Dawn qed jirċievu appuntament bil-posta.