Arrestata tfajla ta' 25 sena; Instabet fil-pussess ta' €120,000 fi droga

Il-Pulizija mill-Iskwadra ta' Kontra d-Droga, bl-għajnuna tad-Dipartiment tad-Dwana, arrestat tfajla ta' 25 sena mir-Repubblika Domenikana, mal-wasla tagħha f'Malta, b'titjira diretta minn Madrid, Spanja.

Fuq it-tfajla nstabu 90 kapsula ta' droga suspettata kokaina fl-ammont ta' madwar 900 gramma, b’valur fit-triq ta’ kważi €120,000.

Hija qed tinżamm fil-lockup fil-Kwartieri Ġenerali tal-Pulizija għall-aktar stħarriġ u mistennija titressaq il-Qorti dalgħodu.

Din hija t-tieni sejba ta' droga kokaina fl-Ajruport Internazzjonali ta' Malta fi ftit jiem.

Dwar dan il-każ infetħet inkjesta Maġisterjali.