Pulizija mħeġġa jkabbru d-daqna u ma jilbsux il-kappell f'tilwima industrijali

Il-Malta Police Union qed tordna lill-Pulizija biex minkejja l-istruzzjonijiet mogħtija lilhom, iħallu d-daqna ġaladarba din tkun miżmuma pulita.

Fi stqarrija, il-Malta Police Union qalet li qed tordna din it-tilwima industrijali wara li anke l-Pulizija li ma jkunux liebsa l-uniformi, ġew ordnati jqaxxru l-leħja.

Waqt li kkwotat l-Att Dwar il-Pulizija, il-Unjin qed tisħaq li din l-ordni hija kontra l-liġi, anke għax il-liġi titkellem biss fuq dawn il-Pulizija li jkunu liebsa l-uniformi.

Għalhekk, il-Malta Police Union qed tordna lill-Pulizija kollha biex min-nhar it-Tnejn:

• Ikunu jistgħu jkabbru d-daqna sakemm tinżamm nadifa anke meta meta jkunu bl-uniformi
• Ma jilbsus il-kappell
• Ikunu jistgħu jiżbgħu xagħarhom sakemm ma jkunx kulur li jispikka
• Ikunu jistgħu jużaw nail polish ta’ kull kulur.