Il-Partit Nazzjonalista appella għal trasparenza sħiħa fl-investigazzjoni tal-laqgħat sigrieti li ġew organizzati minn uffiċjal tal-ħabs għall-priġunier Yorgen Fenech ġewwa l-uffiċċju tagħha.
Il-kelliem għall-Affarijiet Interni, Darren Carabott, qal li dan huwa każ ieħor ta’ “affarijiet taħt it-tapit" mill-gvern Laburista.
Carabott kien qed jirreaġixxi għar-rappportar tal-Ġimgħa li l-investigazzjoni tal-pulizija sabet li uffiċjal tal-ħabs preċedenti, li kienet tippermetti li nies jidħlu fl-uffiċċju tagħha ġewwa Kordin biex jiltaqgħu ma’ Yorgen Fenech, mhux "responsabbli kriminalment."
L-uffiċjal, Svetlana Muscat, ġiet trasferita minn xogħolha fil-ħabs. Fenech qed jistenna l-proċess legali tiegħu dwar l-assassinju ta’ Daphne Caruana Galizia.
"Il-mistoqsija hija ċara: jekk, skont il-Ministeru għall-Affarijiet Interni, hija ma għamlet xejn ħażin, allura għaliex ġiet trasferita għal entità oħra?"
Huwa qal li filwaqt li l-gvern qed jiddikjara li l-eks impjegata ta' ONE TV ma għamlet xejn ħażin u għalhekk ma jittieħdu l-ebda passi kriminali kontrieha, "fl-istess ħin qed jikkonferma li ġiet trasferita mill-Faċilità Korrettiva għal entità oħra."
Kien għalhekk li Carabott appella għal aktar trasparenza dwar l-eżitu tal-investigazzjoni.
"Kien il-PN li applika pressjoni politika u pubblika dwar dan il-każ, biex titlob li jittieħdu azzjonijiet serji fuq dawn l-allegazzjonijiet," qal Carabott. "Madankollu, il-gvern Laburista jidher determinat li jkompli jipproteġi lil dawk li ddiżappuntaw lill-pubbliku."
Il-PN radd ħajr lill-ħaddiema u l-uffiċjali fil-Faċilità Korrettiva ta’ Kordin "li jixtiequ jaraw serjetà, meritokrazija, u trasparenza fil-post tax-xogħol tagħhom."
.jpeg)
