F'dibattitu fuq il-programm Xtra ta’ TVM, rappreżentanti tal-Partit Laburista sabu lilhom infushom f'pożizzjoni difensiva hekk kif il-mistoqsijiet dwar il-ksur ta' etika tal-Ministru għat-Turiżmu, Clayton Bartolo, dominaw id-diskussjoni.
Naomi Cachia enfasizzat il-wegħda tal-Gvern li jkompli jippromwovi l-progress, u irrimarkat il-linja ta’ miri bħalma hija l-Viżjoni 2050 u l-baġit preżentati riċenti. Hija qalet li dawn mhux dejjem jiġu diskussi biżżejjed, hekk kif ħafna drabi l-persuni jiffokaw fuq l-kwistjonijiet li għandhom impatt immedjat fuq il-ħajja ta’ kuljum tagħhom, speċjalment dawk negattivi.
Filwaqt li rrikonoxxiet l-iskandlu riċenti, Cachia sostniet li l-poplu spiss jiffoka fuq affarijiet li għandhom impatt negattiv immedjat fuqhom, u semmiet bħala eżempju l-kontroversja dwar is-siġra tal-Milied ġdida f’Valletta.
"Jiddispjaċini li n-nies ikunu qed jitkellmu aktar fuq każ ta’ ksur ta’ etika minflok affarijiet oħra? Mhux ovvja li jiddispjaċini… Il-proċess għaddej, u r-responsabbilità tal-Prim Ministru hija li ma jħalli lil ħadd jitfa’ l-pajjiżna lura fid-dlamijiet,” qalet Cachia.
Filwaqt li qatt ma ddefendiet lil Bartolo jew lil Camilleri, Cachia ipproteġiet il-proċess ta’ sorveljanza li "l-gvern Laburista introdotta," u li "jitqies bħala bidla sinifikanti meta mqabbel mal-amministrazzjonijiet preċedenti."
“Il-ġimgħa l-oħra, il-Kumitat Parlamentari tlaqa’ u issa huwa fil-proċess… dan kollu huwa possibbli biss għax, ftit snin ilu, il-gvern ħareġ liġijiet biex dan iseħħ,” kompliet Cachia.
Hija rrikonoxxiet li l-pubbliku jistenna mill-politiku standards għoljin, u qalet: “Jekk ipparkjajtx fuq souble yellow line, jew jekk impjegajtx persuna li ma kellekx timpjega, jew jekk tħallastx xogħol li qatt ma dħalt għalih, in-nies jistennew aħjar minna.”
Mark Anthony Sammut, Kelliem tal-Partit Nazzjonalista, ma daharx mal-lewża u mal-ewwel akkuża lill-Gvern li qed jinnormalizza l-imġieba ta' etika ħażina.
“Nies mhumiex qed jitkellmu dwar il-baġit. Huma qed jitkellmu dwar skandlu ieħor ta’ abbuż u serq ta' flus il-poplu, tħanżir,” qal Sammut. “L-ewwel kien hemm Justyne Caruana, imbagħad Rosianne Cutajar… u issa, erġajna?”
Sammut wkoll kritika dak li sejjaħ inkonsistenzi fil-mod kif jittrattaw l-każijiet ta' nuqqas ta' etika. Huwa stqarr li f’każijiet preċedenti, kienet ittieħdet azzjoni malajr, iżda din id-darba le.
