Il-Ministru tal-Finanzi, Clyde Caruana, qal fil-parlament nhar l-Erbgħa filgħaxija li l-gvern biddel il-kultura dwar il-ġbir tat-taxxi għall-aħjar.
"Il-ġbir tat-taxxi kien suġġett li ħadd ma ried jitkellem dwaru. Illum, bħala pajjiż, ħarisna lejn it-taxxi b'mod differenti," qal Caruana waqt id-diskors tiegħu dwar il-vot tal-Baġit.
Caruana saħaq li l-kredibbiltà tal-gvern f'numru ta’ setturi relatati mal-finanzi tal-pajjiż kienet fundamentali għas-suċċess ekonomiku.
Dwar il-ġbir tat-taxxi, il-Ministru qal li ż-żminijiet meta n-nies ma jħallsux it-taxxa "spiċċaw." "In-nies indunaw li l-gvern jagħti prijorità lill-ġbir tat-taxxi b'mod serju."
Huwa spjega li l-ġbir effettiv tat-taxxi għen lill-gvern biex jipprovdi għajnuna finanzjarja waqt avvenimenti globali kbar bħal pandemija tal-COVID-19 u l-gwerra fl-Ukrajna. "Dan kien possibbli minħabba l-awtorità morali u l-kredibbiltà li l-gvern igawdi fuq it-taxxi," żied jgħid.
Caruana wieġeb ukoll għall-kritika mill-Oppożizzjoni, u qal li d-dejn “mhuwiex bilfors ħażin,” sakemm jitqabbel mat-tkabbir ekonomiku.
"Bl-ebda dejn, ma konna nkunu nistgħu ngħinu lill-poplu permezz tas-sussidji. Pajjiżi li waqfu jgħinu liċ-ċittadini u n-negozji tagħhom malajr qed jiffaċċjaw l-akbar problemi biex inaqqsu d-dejn tagħhom," spjega.
Il-Ministru saħaq li l-gvern għandu jkun kapaċi jassorbi xokkijiet kbar ekonomiċi u globali, u l-irtirar ta’ għajnuna finanzjarja qabel iż-żmien jista’ jwassal għal kriżi ekonomika.
"Sentejn ilu, id-dejn kien 2.2% tal-PGD. Illum jinsab madwar 0.7%. Din hija politika fiskali li taħdem," qal Caruana lill-Kamra.
Caruana spjega li l-kredibbiltà tal-gvern f’dan is-settur u l-pjan tiegħu biex inaqqas id-defiċit ifissru li l-gvern ma kellux għalfejn iwaqqaf is-sussidji tal-enerġija.
"Se nkunu qed naħdmu sew fil-parametri stabbiliti mill-Kummissjoni Ewropea, mingħajr ma npoġġu l-piż fuq iċ-ċittadini," qal Caruana.
Jitkellem dwar il-linja nazzjoanli tal-ajru, il-Ministru qal li KM Airlines hi milħusa minn kwalinkwe indħil politiku, u li kienet biss amministrazzjoni Laburista li kellha l-kuraġġ tindirizza l-problemi persistenti ta’ Air Malta.
Caruana għalaq billi qal li l-gvern irid jibqa’ prudenti u intelliġenti, għax dawn huma l-prinċipji li fuqhom tinbena l-kredibbiltà.
"Il-gvern huwa kredibbli meta jiġi biex jegħleb żminijiet diffiċli," qal. "Irrid inħalli l-ekonomija tal-pajjiż f’sitwazzjoni stabbli."
"Il-kredibbiltà għandha tibqa' prijorità," temm jgħid.
