Żagħżugħ jweġġa' gravi wara li qabeż f'St. Peter’s Pool

Żagħżugħ ta’ 19-il sena sofra ġrieħi gravi wara li qabeż f’St. Peter’s Pool ġewwa Delimara limiti ta’ Marsaxlokk.

Il-pulizija qalet li l-inċident seħħ il-Ħadd fil-5pm. Investigazzjoni preliminarja uriet li ż-żagħżugħ weġġa’ wara li qabeż fil-baħar.

Iż-żagħżugħ, ta’ nazzjonalita Sirjana, ingħata għajnuna minn tim mediku, u minn membri tal-Protezzjoni Ċivili, qabel ma ttieħdet l-Isptar Mater Dei.

Il-Pulizija għaddejja bl-investigazzjonijiet.