Ħabta bejn mutur u karozza fil-Mosta tħalli sewwieq l-isptar

Il-Ħamis filgħodu, għall-ħabta tat-8am, il-Pulizija ġiet infurmata b’inċident tat-traffiku fi Triq il-Kostituzzjoni, il-Mosta.

Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Hyundai XL misjuqa minn raġel ta' 46 sena mill-Marsa, u mutur Yamaha misjuq minn raġel ta' 45 sena minn San Pawl il-Baħar.

Ix-xufier tal-mutur ingħata l-għajnuna minn tim mediku u ttieħed l-Isptar Mater Dei b’ambulanza għal kura meħtieġa. Il-gravità tal-ġrieħi tiegħu għadhom pendenti.

L-investigazzjonijiet tal-Pulizija għadhom għaddejjin.