Il-Malta Maritime Forum (MMF) qajjem tħassib serju dwar l-implimentazzjoni rapida tad-Direttiva tal-UE dwar l-Iskema ta’ Skambju ta’ Emissjonijiet (EMS) għat-tbaħħir, filwaqt li enfasizza l-implikazzjonijiet negattivi li jaffettaw lil Malta. L-MMF kien talab li għal posponiment u għall-valutazzjoni tal-impatt bir-reqqa.
Il-Malta Maratime Forum jappella lill-Gvern u l-Oppożizzjoni biex iwaqqfu l-battibek politiku tagħhom u jingħaqdu għal triq 'il quddiem dwar l-introduzzjoni tad-Direttiva tal-UE dwar l-Iskema ta' Skambju ta' Emissjonijiet.
Minkejja sforzi kollaborattivi bejn il-gvern u l-oppożizzjoni, l-MMF jemmen li l-UE naqset milli tivvaluta b'mod adegwat l-effetti ħżiena fuq il-pajjiżi tal-Mediterran.
L-implimentazzjoni tal-ETS, parti mill-pakkett ‘Fit for 55’, timponi spejjeż fuq l-industrija marittima, li taffettwa b'mod sinifikanti nazzjonijiet dipendenti fuq il-kummerċ bħal Malta u Ċipru. L-MMF jenfasizza l-urġenza li l-pajjiż jippreżenta front magħqud fir-rappreżentazzjonijiet lill-awtoritajiet Ewropej.
L-MMF jenfasizza diversi nuqqasijiet ewlenin fir-regolamenti tal-EMS, inkluża l-inabbiltà li jitnaqqsu l-emissjonijiet tal-karbonju fl-ilmijiet tal-UE.
Il-merkanzija ddestinata għall-UE, issa qed tiffaċċja rotot itwal, li jżidu l-emissjonijiet tal-karbonju. Il-prinċipju li min iniġġes iħallas huwa kompromess minn soprataxxi ġodda introdotti mil-linji tat-tbaħħir, li jċaqalqu l-ispiża tal-EMS għall-konsumaturi Ewropej.
Barra minn hekk, l-MMF jargumenta li t-tkabbir ekonomiku, il-ħolqien tal-impjiegi, u standards tal-għajxien imtejba għaċ-ċittadini tal-UE huma riżultati mhux garantiti.
Portijiet Ewropej, inkluż il-Port Ħieles ta’ Malta jirriskjaw li jitilfu n-negozju tat-trasbord lejn portijiet mhux tal-UE, u dan jirriżulta f’telf ta’ impjiegi u ostakli ekonomiċi.
L-MMF jappella għal analiżi professjonali tat-tqassim fil-komunikazzjoni bejn is-settur pubbliku u dak privat li jwassal għal din is-sitwazzjoni.
MMF iħeġġeġ lin-nazzjon biex jikkonċentra fuq is-soluzzjonijiet aktar milli jipponta subgħajh, filwaqt li jenfasizza l-ħtieġa ta’ sforz nazzjonali biex tiġi salvagwardjata l-ekonomija Maltija. Filwaqt li jirrikonoxxi l-kompitu politiku ta’ sfida li jiffaċċja l-gvern, l-MMF jisħaq fuq l-importanza li jiġu ppreservati konnessjonijiet marittimi diretti kruċjali għall-benessri ekonomiku ta’ Malta. Hekk kif toqrob id-data tal-implimentazzjoni tal-ETS, l-MMF jappella għal sforzi strateġiċi biex jittaffew ir-riskji assoċjati ma’ dawn ir-regolamenti u tiġi żgurata l-prosperità kontinwa tan-nazzjon Malti.
