Taħriġ fil-Malti bażiku għall-impjegati barranin tal-ajruport

Il-Vjaġġ it-Tajjeb huwa ktejjeb bilingwi, maħruġ mid-Dipartiment tal-Malti fl-Universita’, maħsub għall-impjegati tal-ajruport. Dan il-ktieb ikopri temi ewlenin tal-ħidma fl-avjazzjoni, bħall-oġġetti personali, l-impjegati, u mistoqsijiet komuni. 

Il-ktieb tqassam lill-impjegati internazzjonali ta’ Aviation Services Handling u Aviaserve waqt sessjoni ta’ taħriġ fl-ajruport. Din l-inizjattiva tixhed l-impenn tat-tliet entitajiet li jippromwovu l-użu tal-Malti f’qasam professjonali, u li jtejbu l-komunikazzjoni ta’ bejn il-passiġġieri u l-impjegati tal-ajruport.

L-impjegati ta’ Aviation Services Handling u Aviaserve sodisfatti bil-ktejjeb u bil-kontenut tas-sessjoni prattika li ngħataw u l-mod kif twasslilhom. Dawn kienu kuntenti ħafna l-impenn tad-Dipartiment tal-Malti biex jgħinhom jaqdu aħjar lill-klijenti. 

Din hi kollaborazzjoni oħra importanti li qed tgħin biex ikun hemm komunikazzjoni effettiva f’aktar postijiet tax-xogħol. Min jixtieq jippronunzja l-kliem aħjar, jista’ jisimgħu mis-sit malti.mt/learn-maltese.