(aġġornata) Studenta taqa' minn fuq kowċ iż-Żejtun

Tfajla ta' 15-il sena minn Marsascala waqgħet minn fuq il-kowċ li kienet qed twassalha mill-iskola Carlo Diacono. Ħin minnhom infetħet il-bieba tal-emerġenza tal-kowċ u din it-tifla waqgħet 'l barra mill-kowċ. L-inċident li seħħ għal xit-3.30 p.m. sar wara ċ-ċimiterju viċin id-dar tal-anzjani. Hi tattendi l-iskola sekondarja tal-bniet li hemm fl-istess naħa fejn ġara l-inċident. Jingħad li l-kowċ induna mill-ewwel bl-inċident u waqaf mill-ewwel.

L-istudenta ttieħdet l-isptar bl-ambulanza u għad mhux magħruf il-kundizzjoni tagħha għalkemm minn sorsi li tawna l-informazzjoni ma jidhirx li tinsab fil-periklu li titlef ħajjitha.