Ġuvni jinqaleb bil-karozza

Ġuvni ta' 21 sena mill-Baħrija kien involut f'inċident tat-traffiku aktar kmieni dalgħodu waqt li kien qed isuq il-karozza Ford Fiesta. Jidher li għal xi raġuni il-ġuvni tilef il-kontroll tal-vettura u nqaleb.

Fuq il-post waslu l-Pulizija li kkontrollaw it-traffiku filwaqt li l-ġuvni ttieħed l-isptar għal kura b'ambulanza fejn il-kundizzjoni tiegħu għadha mhix magħrufa.