AĠĠORNAT: Protesta fid-daħla tal-Belt Valletta

Favur li jingħata rikonoxximent lill-Gvern ta’ Tripli

29 ta' Diċembru 2014 10:47
minn Frederick Attard

Il-protestanti fid-daħla tal-Belt Valletta

L-Ambaxxata Libjana f'Malta

Madwar 20 protestant Libjan kmieni dalgħodu daħlu jipprotestaw fid-daħla tal-Belt Valletta wara li lbieraħ seħħew numru ta’ attakki mill-ajru fuq il-belta ta’ Misrata.

Il-protestanti qed jopponu l-gvern ta’ Al Thinni li jinsab eżiljat fil-belt ta’ Tobruk waqt li l-gvern rivali li huma jsostnu huwa l-gvern kompost mill-iżlamisti li jiffurmaw parti mill-Kungress Ġenerali Nazzjonali u li jinsab fil-kapitali Libjana Tripli.

Preżentement il-gvern Malti għadu jirrikonoxxi l-gvern ta’ Al Thinni l-istess kif għadhom qed jagħmlu diversi pajjiżi oħra madwar id-dinja.

~~~~~~~~~~~

Minn informazzjoni li għandna jidher li bħalissa qed issir protesta fid-daħla tal-Belt Valletta minn numru ta’ persuni Libjani li huma kontra r-rikonoxximent tal-gvern Malti għal gvern Libjan ta’ Tobruk.

Il-protestanti huma favur li jingħata rikonoxximent lill-Gvern ta’ Tripli.

Aktar informazzjoni fil-ħin li ġej.