(FILMAT) Le għall-Iżlam, Le għal Ġudaiżmu...Franza hi Kattolika
Kont preżenti għal protesta f'Pariġi f'Jum L-Ewropa favur in-nazzjonaliżmu bl-għajta ta' Franza għal Franċiżi
Nhar il-Ħadd 10 ta' Mejju l-għada li l-ewropa iffesteġġjat Jum l-Ewropa, għexieren ta' Estermisti lemini Pariġini ħarġu jipprotestaw fit-toroq ta' Pariġi. Kont preżenti għal din il-protesta u rnexxili wkoll niġbed filmat dwar dak li kien qe djiġri fejn dawn bdew jgħajtu li Franza għal Franċiżi. Għajta oħra kienet Le għall-Iżlam, Le għal Ġudaiżmu għax Franza hi Kattolika. 'La Lemin u la Xellug għax Franza hi Nazzjonalista' (Ni gauche, Ni droite, la France Nationaliste).
Kien hemm mumenti li kien hemm min ibbuwjahom iżda dawn ma ġewx provokati ħlief li ħin minnhom bdew jisparaw gassijiet tad-duħħan. Il-protesta għalkemm ġo belt mimlija gruppi etniċi diversi, ma nqala xejn fejn il-pulizija dejjm kellhom kontroll tas-sitwazzjoni. Ikolli nammetti li mxejt magħhom mal-ġenb u f'xi mumenti ħassejt kemmxejn ta' rabja fl-għajta tagħhom, iżda ma nqala xejn.
