(AĠĠORNAT) It-Tfajla t'oriġini Maltija tinsab qawwija u sħiħa fit-Tuneżija

It-tfajla ta' oriġini maltija minn cardiff Lena Tanti tinsab qawwija u sħiħa u fil-fatt ikuntattjat lil kuġinuha Chris Spiteri u qaltlu li kollox sew.

Aktar qabel:-

Il-BBC fil-portal tiegħu qal li ċertu Chris Spiteri, ta' 29 sena minn  Cardiff qalilhom li jinsab inkwetat ħafna għax kuġintu ta' 25 sena minn Cardiff ukoll, Lena Tanti tinsab it-Tuneżija u ma sema xejn dwarha u mingħandha.

"Tinsab waqt vaganza mal-ħabiba tagħha u ili nipprova nċemplilhom iżda l-mobile tagħhom hu mejjet. Bgħattilha messaġġ fil-Whatsapp u ma rrisponditnix. Ma nafx liema lukanda marret imma ninsab inkwetat kif din m'għamlet l-ebda kuntatt. Irrid inkun naf biss li tinsab tajba," qal Chris li għandu isem Malti.