Iljunessa f'Montekristo terġa' tattakka tifel ta' 5 snin

Skont rapporti fuq tvm.com mt dan il-park tal-annimali illegali reġa infetaħ illum waqt il-fiera tal-kaċċa

3 t'April 2016 19:32
minn John Busuttil

attakk ieħor ta' tigra f'Montekristo

Skont rapport fuq is-sit elettroniku tal-istat tifel ta' 5 snin sofra ġrieħi f'għonqu u f'dahru wara li allegatament indarab minn tigra fil-Park tal-Annimali f'Ħal-Farruġ.

Dan l-inċident seħħ għal ħabta tal-5 p.m. ilejla, meta għal xi raġuni jew oħra t-tigra attakkat lit-tifel li kien mal-ġenituri tiegħu. Skont tvm.com.mt is-sid iddeċieda li jiftaħ il-park b'mod illegali hekk kif fil-post hemm għaddejja fiera tal-kaċċa.

Dwar il-każ infetħet inkjesta bil-maġistrat u l-pulizija għaddejja bl-investigazzjonijiet tagħha.