Rispett lejn it-tfal: Siringi fil-bandli tal-Furjana

Żgħażagħ idawru ritratti fuq facebook biex żgħażagħ oħra jirispettaw lit-tfal jekk mhux lilhom infushom

25 t'April 2016 18:09
minn John Busuttil

Bħalissa fuq facebook qed iduru ritratti ta' siringi li nstabu fil-bandli tal-Furjana. Dawn iż-żgħażagħ fuq facebook qed jitolbu lil min abbuża mid-droga b'dawn is-siringi biex jekk jgħoġobhom ikollhom rispett lejn it-tfal li jistgħu jitniggżu b'dawn is-siringi u talbu lil min kien tant irresponsabbli li ħallihom jiġru biex la darba jużahom jarmihom f'xi bin jew x'imkien il-bogħod minfejn jilagħbu t-tfal.