Għall-ħabta tas-13:00 ta’ wara nofsinhar, kien hemm ħabta fi Triq Burmarrad, li fiha raġel ta’ 27 sena minn Naxxar, tilef il-kontroll tal-vettura tiegħu tat-tip BMW 320 u baqa’ dieħel ġo crash barrier
Il-Pulizija tad-Distrett marret minnufih fuq il-post, flimkien mat-taqsima tal-Protezzjoni Ċivili li ssejħet fuq il-post biex joħorġu lis-sewwieq min ġol-vettura.
Fuq il-post issejħet ukoll ambulanza li ħadet lis-sewwieq lejn l-Isptar Mater Dei għal kura. Iktar tard huwa ġie ċċertifikat li qiegħed isofri minn ġrieħi ta’ natura gravi.
L-investigazzjoni tal-Pulizija dwar dan l-inċident għadha għaddejja.
