Anzjan jaqa' minn fuq scaffolding ma' faċċata ta' lukanda

Anzjan qed isofri minn ġrieħi gravi wara li waqa' minn scaffolding waqt li kien qed jagħmel xi xogħlijiet ma' faċċata ta' lukanda. 

Il-każ seħħ dalgħodu għall-ħabta tal-10:00am fi Triq Dawret il-Gżejjer f'San Pawl il-Baħar.

Mill-ewwel informazzjoni jirriżulta li r-raġel li kien qed jagħmel xi xogħol ta' manutenzjoni fuq barra ta' lukanda waqa' madwar sular.

L-anzjan, li għandu 74 sena ttieħed immedjatament l-Isptar Mater Dei.