Tmut it-tarbija li waqgħet erba' sulari għal ġo shaft

It-tarbija ta' sena u ħames xhur li waqgħet erba' sulari għal ġo shaft f'Baħar iċ-Ċagħaq ġiet iċċertifikata mejta ftit tal-ħin wara li ddaħħlet l-Isptar.

Fi stqarrija, il-Pulizija qalet li l-inċident fatali seħħ għall-ħabta tat-3:30pm fi Triq il-Lampara.

Sa issa għadu mhux magħruf kif seħħ dan il-każ.

Jidher ukoll li t-tarbija u l-ġenituri tagħha huma barranin.

Dwar il-każ infetħet Inkjesta Maġisterjali.