Żagħżugħ jitlef il-kontroll tal-karozza u jidħol f'arblu u ċint

Żgħażugħ qed isofri minn ġrieħi gravi wara li lbieraħ filgħaxija tilef il-kontroll tal-vettura u baqa' dieħel ġo arblu u ċint.

Il-każ seħħ għall-ħabta tas-7:00pm fi Triq l-Infetti, l-Imdina.

Mill-ewwel informazzjoni jirriżulta li ż-żagħżugħ, li għandu 19-il sena, residenti Ħal Tarxien, għal xi raġuni tilef il-kontroll tal-vettura.

Huwa ttieħed immedjatament Mater Dei fejn ġie ċċertifikat li qed isofri minn ġrieħi gravi.

Il-Pulizija qed tinvestiga dan il-każ.