Covid-19 | Ifiqu 167 persuna u jinstabu 84 każ ġdid

Fl-aħħar 24 siegħa ġew irreġistrati 84 każ ġdid ta' Covid-19 filwaqt li 167 persuna ġew ikkonfermati mfejqa.

Dan ifisser li l-każi attivi issa huma 1,853.

Ilbieraħ saru wkoll 3,044 test.

Intant mill-każi tal-bieraħ, 16-il każ kienu ta' qraba ta' persuni pożittivi għall-virus, erba' kienu kollegi u seba' persuni kellhom kuntatt dirett ma' persuni oħra bil-virus.

Kien hemm ukoll żewġ każi importati u każ wieħed minn attivitajiet soċjali.

B'kollox, il-virus ħalla 65 vittma f'Malta filwaqt li 4,672 persuna fiequ.