Il-Kunsillier Nazzjonalista ta' Ħal Qormi u kandidat Jerome Caruana Cilia tkellem dwar patt soċjali ġidid "fejn l-ekonomija trid tkun mibnija fuq soċjetà ġusta, "bi priorità ewlenija tkun l-introduzzjoni tal-living income f’pajjiżna u r-reviżjoni tal-COLA."
Il-Kunsilliera Nazzjonalista Siġġiwija u kandidata Alessia Psaila Zammit tkellmet fuq il-pilastru dwar in-nisa u enfasizzat li għandna nirsistu fuq inizjattivi li jsaħħu l-parteċipazzjoni tal-mara fil-politika u fis-socjetá. Hija fakkret li f'Marzu li għadda, l-PN qabel mal-prinċipju li jiddaħħal mekkaniżmu biex jiżdiedu siġġijiet għan-nisa fil-Parlament. Hija qalet li inizjattivi bħal Gender Balance Mechanism, huma meħtieġa "biex inħaffu l-progress fl-ugwaljanza. .
Il-Kunsillier Nazzjonalista fil-Gudja u kandidat Mark Anthony Sammut tkellem fuq l-ambjent u f'eku ta' dak li qal il-Kap Nazzjopnalista fir-risposta tiegħu għall-Baġit qal li l-kostruzzjoni u l-ambjent ma għandhomx ikunu għedewwa, Dwar il-viżjoni ekonomika ta' pajjiż sigur Sammut saħaq li l-PN jixtieq li jara pajjiż fejn l-istituzzjonijiet "jaħdmu b’mod tassew indipendenti u bl-istess mod ma’ kulħadd, xandir pubbliku imparzjali u poplu magħqud fuq il-valuri bażiċi, etiċi u universali."
Il-viżjoni politika li l-Partit Nazzjonalista qed iniedi hija bbażata fuq 12-il pilastru li huma:
-
L-ambjent fil-qofol tal-viżjoni politika
-
Kwalita’ tal-ħajja
-
Iż-żgħażagħ fil-qofol tat-tmexxija pubblika u privata
-
It-talent uman jibqa’ l-bażi tal-futur ekonomiku
-
Setturi ekonomiċi b’pagi li jrendu
-
Nirrispettaw dak li jagħmilna Maltin
-
Patt soċjali ġdid
-
Żvilupp Soċjali
-
In-nisa
-
Għawdex fiċ-ċentru u mhux sempliċi annex ta’ Malta
-
Kampanja u agrikoltura
-
Viżjoni ekonomika f’pajjiż sigur
