L-eks deputat Prim Ministru Chris Fearne mhux se jerġa’ jikkontesta l-elezzjoni għal deputat mexxej tal-Partit Laburista f’Settembru, wara li qorti sabet biżżejjed evidenza prima facie biex jgħaddi ġuri fil-każ ta’ frodi tal-Vitals.
Fi stqarrija fuq Facebook, Fearne qal li mhux se jikkontesta għal l-irwol biex “jipproteġi l-interess nazzjonali”.
“Huwa dan l-istess prinċipju fl-interess nazzjonali li kien wassalni biex nirriżenja minn Deputat Prim Ministru u Ministru tal-Gvern, u biex nirtira n-nomina tiegħi għall-ħatra ta' Kummissarju Ewropew,” huwa qal.
Malta baqgħet mingħajr deputat Prim Ministru mindu Fearne rriżenja mill-kabinett wara akkużi kriminali mressqa kontrih. Ir-rwol huwa tradizzjonalment meħud mid-deputat mexxej tal-partit fil-gvern.
Fearne qed jagħżel li ma jerġax jikkontesta d-deputat tmexxija sabiex jagħmel post għal deputat mexxej ġdid fil-partit, u viċi prim ministru ġdid.
Fl-istqarrija tiegħu, Fearne qal ukoll li hu “ċert li l-Qorti se ssib il-verita, jiġifieri l-innoċenza sħiħa” tiegħu.
Nhar l-Erbgħa, il-Maġistrat Leonard Caruana iddeċieda li hemm biżżejjed evidenza fil-każ biex dan jinstema’ kontra Fearne u 14-il akkużat ieħor b’rabta mal-iskandlu tal-isptarijiet Vitals.
L-akkużi kriminali tressqu f’Mejju li għadda, u kien wara dan li Fearne ħalla postu minn Ministru u Viċi Prim Ministru, u rtira n-nomina tiegħu ta’ Kummissarju Ewropew.
Il-Prim Ministru Robert Abela aktar tard qal li jerġa’ jinnomina lil Fearne għall-Kummissarju jekk ma tinstab l-ebda prova prima facie kontrih. Madankollu, id-digriet tal-Erbgħa jfisser li ċ-ċansijiet tiegħu li jerġa’ jassigura n-nomina huma possibbilment mitmuma.
