Raġel iweġġa’ gravi f’inċident bejn karozza u mutur fil-Mosta

It-Tlieta filgħodu, għall-ħabta tas-9:30am. il-Pulizija ġiet infurmata b'inċident tat-traffiku fi fi Triq San Pawl tal-Qliegħa, Mosta.

Il-Pulizija marret minnufih fuq il-post u minn stħarriġ preliminari li sar irriżult li seħħet ħabta bejn Toyota Hilux misjuq minn raġel ta’ 43 sena residenti l-Imġarr, u mutur Piaggio misjuq minn raġel ta’ 46 sena residenti l-Mellieħa.

Ix-xufier tal-mutur ingħata l-għajnuna minn tim mediku u ttieħed l-isptar b’ambulanza għal kura meħtieġa. Aktar tard, huwa ġie ċċertifikat li weġġa’ gravi.

L-investigazzjonijiet mill-Pulizija għadhom għaddejjin.